A UN IRMÁN DESCOÑECIDO

 

Como se pode amar a un descoñecido?  Eu tiven un irmán, que non coñecín. Morreu un once de marzo de mil novecentos sesenta e oito. Dous anos máis tarde, en once de marzo tamén, nacín eu. A súa vida foi breve. Tres meses. Demasiados médicos e  hospitais para unha existencia tan corta. Finalmente morreu na Paz. Tiña  hidrocefalia.

 

Desde hai un tempo, sei que a súa morte sacudiu con violencia os fráxiles cimentos da miña familia. Afectou con seguridade a esa pequena tríada formada polo meu pai, miña nai e a miña irmá máis vella. E tamén aos que viñemos despois. A dor desa perda influíu na forma en que fomos concibidos e xestados. 

 

Hoxe celebro o meu aniversario, consciente da presenza dese irmán e doulle o espazo que merece ocupar. 

 

 

 

 

 

 

 

 

Ti tamén tes un irmán ou irmá descoñecida? Tes tomado consciencia da súa ausencia? 

 

 

1Comentario

Deixa un Comentario

*

Este sitio emprega Akismet para reducir o spam. Aprende como se procesan os datos dos teus comentarios.