A XENEALOXÍA É GLORIA

Hai persoas que pensan que a xenealoxía é unha perda de tempo. Quizás, nunca sentiron a necesidade de escaravellar. Para qué remover o pasado? O seu lema é: “¡Adiante, sempre adiante!”. Pregúntome se  o seu camiñar é tranquilo ou apresurado.  

 

 

Boris Cyrulnik, mestre de resiliencia, fala no seu libro autobiográfico “Sálvate, a vida te espera”, de como a fuxida  o protexeu, durante anos, das lembranzas traumáticas da súa infancia.  

 

 

 

Este psiquiatra e psicólogo de orixe xudía conta como o gravado de “A fuxida de Lot”, que ilustraba un exemplar da Biblia, converteuse para el nunha foto fixa. O deseño  representaba a escena bíblica de Lot, que fuxía coa súa familia dunha Sodoma en chamas e á súa muller transformada en estatua de sal, tras volverse a mirar a cidade. Esta imaxe acompañouno durante moito tempo, facéndolle crer que nunca hai que volver a vista atrás.

 

 

 

 

LA HUIDA DE SODOMA

“A fuxida de Sodoma” .  Gustave Doré. 1875  

 

 

“Poderás vivir si o desexas, sempre que non mires o teu pasado”

Boris Cyrulnik

 

Pasado o tempo, descubriu que mirar cara atrás era necesario, para se liberar. Cumpría mirar para comprender. Por que non utilizar a xenealoxía para iso? A  xenealoxía invítanos a mirar o pasado e contemplar a nosa historia de vida familiar, desde unha posición segura. O seu valor reside na capacidade que ten, para sacar á luz historias encriptadas. 

 

 

 

A investigación familiar pode ser unha fonte inesgotábel de serotonina. Por iso, comezo unha serie de entradas, que teñen como finalidade  compartir os meus momentos de gloria, durante o proceso de investigación xenealóxica. Un deles, o máis grande, ten que ver coa miña nai e a consciencia de que o meu amor é Gloria.    

 

 

 

 

 

 

E ti, queres compartir os teus momentos xenealóxicos de gloria con nós?  Lembras algún instante de gloria no teu proceso de investigación familiar? Estás preparado ou preparada para mirar cara atrás?      

Non hai comentarios

Deixa un Comentario

*

Este sitio emprega Akismet para reducir o spam. Aprende como se procesan os datos dos teus comentarios.