Gústavos a foto que ilustra este post? Son eu, este outono. Estaba no xardín da casa da escritora canadense Laura Dennet, moi pretiño de Pedrafita do Cebreiro, no Camiño de Santiago, a súa entrada por Galiza.

 

 

Este xardín está integrado na rede mundial Quiet Garden Movement , que busca a creación de espazos naturais abertos ó silencio, á oración e ó descanso. En resume, lugares para estar en ti. Un dos elementos máis característicos deste xardín é o seu labirinto,  reproducción exacta doutro na catedral francesa de Chantres. Velaí están once círculos concéntricos para una muller nacida un once! Bonita casualidade!

 

 

 

Hai uns meses, Laura Dennet converteuse tamén nunha das protagonistas da Exposición Las Estrellas del Camino. A súa imaxe inmortalizada polo muralista Mon Devane  recibe ós peregrinos e peregrinas, que entran en Santiago.

 

 

 

 

 

 

Cando vexo esta imaxe, venme á mente un taller de Lego Serious Play que organicei hai ben pouco. Nel invitaba ás participantes a elixir tres momentos do ano. Se eu tivese que facer o mesmo, ese día no xardín do labirinto sería un dos elixidos. Chamaríase, o meu momento Plum Village.

 

 

Así que pecho os ollos e lembro… Estou sentada no banquiño mirando cara ás montañas. Sinto a caricia do sol no meu rosto. e o recendo da lavanda que vai e que ven, empurrado polo ar. Nas miñas tripas, hai un algo de “resfeber”, ese remuíño de emocións, que precede a unha viaxe.   

 

 

Estou agora no inicio do labirinto. Preparada, lista e xa! Camiño lentamente, acompañada pola ollada curiosa dun veciño, dende a cancela. Sinto o chan mol como unha alfombra baixo os meus pés e cóxegas nos meus nocellos, polo rozamento cos arbustos. Continúo ata chegar ó centro. Desando o camiño. No meu peito, sinto ondas de gratitude hacia esa muller estranxeira, que elixiu este lugar do planeta para deseñar o seu xardín.    

 

 

Se ledes o texto con atención, descubriredes que a miña memoria é selectiva. As miñas palabras falan maiormente de sensacións. Así que para os ollos da PNL, o meu sistema representacional é un 90 % kinestésico.

 

 

A PNL fala de tres sistemas representacionais: visual, auditivo ou kinestésico. Probade agora a pensar en persoas da vosa familia. Cal credes que pode ser o principal sentido que utilizan cando falan das súas lembranzas. Son máis de recordar imaxes, sons ou sensacións?