Hoxe comparto, unha das miñas últimas descubertas.
Trátase dun álbum ilustrado, titulado “A alma perdida”, editado por Thule Ediciones. O texto é de Olga Tokarczuk , autora polaca, gañadora do Nobel 2018. As ilustracións son de Joanna Concejo, artista polaca, de sona internacional.
Os dous elementos, texto e ilustracións, materialízanse nunha coidada edición, que invita a una lectura queda. Tiña que ser así.
“A alma perdida”. Thule Ediciones
“A alma perdida” conta a historia de “un home que traballaba moi duro e moi rápido e que xa había un tempo, deixara loxe, en algures, a súa vagarosa alma”. O seu caso non era único. De feito, o mundo estaba cheo de persoas como el, “apresuradas, suorentas e exhaustas, e as súas almas tamén estaban perdidas”. Era un mundo en branco e negro.
A boa nova é que a historia ten un final feliz e que o noso home consigue reencontrarse coa súa alma. Para iso, terá que parar e agardar. É unha espera longa. Pero non hai outro modo, xa que as almas teñen o seu propio ritmo. Máis calmo.
O encontro traerá cor e sentido á súa vida. E como pasa en moitos contos con final feliz, xa sabedes, foron felices e comeron perdices.
Cada mañá, deste tempo de confinamento penso no “paraqué” do todo isto. Quizáis so necesitemos parar, para que as nosas almas podan atopar o camiño e petar na nosa porta. Que bonito sería camiñar de novo, ó compás! Brindemos por un mundo almado. Reinvidiquemos a tenrura.
Non hai comentarios